هذه القصيدة للشاعر (عبد الرحمن بن محسن ابو سيف السيالي)
مناسبة للقصيد ة:
بأنه اطلع على قصيدة في احدى الصحف المحلية للشاعر رشيد الزلامي والتي منها هذا البيت:
ياهل البيت الخضر سكرو بابه واحفظوا ورعانكم ياعرب عنا
وشده الموضوع وقام بالرد
الزلامي ينظم القاف من مابه **** يوم يزعل ما درى إنه مزعلنا
صوب بيت الطفل بالله وش جابه **** أشهد أنه صدق منحوس ومعنا
يا رشيد بيوت في حي تتشابه **** فا همينك يا الزلامي وتفهمنا
طفل توه ما عرف يلبس ثيابه **** عامله باللين يا هن بن هنا
أنت نمر أنمر تنمر على الغا به **** غابٍةٍ فيها السـبـاع يتــلاونا
يا رشيد الكيف له ناس شرابه **** يحكرون الكيف بالهيل والبنا
وش لنا في خوخ لبنان وأعنابه **** مانبي غير الستر في مواطـنا
كان أبو مشعاب يحداك مشعابه **** مانبيك تقول لـو لا ولا كنَـــا
الخدر فالحزم مركوز منسابه **** والحبل مشدود فالبيت ومـثـنـا
عندك اللي في الخطر يفتل أشنابه **** ما يهاب الموت جني من الجنا
مزيَــد اللي يجذب الصيد برقابه **** لاجذب له صيد ةٍ فالخلا غنا
رجْــل حرب ومن رجاجيل حرابه **** لـلـمـعارك دايم الـدوم يتمنـــا
يارشيد السيف يعتز بنصابه **** لا نخيته ما يـقـول إلــك هـونــا