[خالد بن مقيذل الحافي]

	قصيده مرثيه في الشيخ عبد المحسن التوم رحمه الله المتوفي 1423هــــــــــــــ من ارشيف الشاعر بجاد بن محمد الحافي يقولون ابو غازي يقولون عنا مات = وأنا اقول حق وقدر الله مقسومه لعل السحاب اللي سمر بارقه مابات = رفاياه يجعلها الولى تتبع اقدومه من الخال وحوى كشب وبله يجي ناوات = الى العارض المنقاد وطويق وخشومه جنوبه من العبله الى دناق ودناقات = وشماله الى واد الرمه صب ديمومه لعله على قبره يهل المطر زفات = ثمانين يوم وكل يوم بعد يومه نشا في حضون الموت يوم السنين اشتات= عطاء درب خاله في تعالمه مع قومه وعطاء درب ابوه بقو صبره على الشدات = يضلل على راسه من الشمس بكمومه اصيل تميز من خوال وعمام وفات = على نجمة الجوزاء وحاطت به انجومه عطيب الضرايب طيب المرجله والذات= كريم الخصايل معطى الحق بسلومة هو اللي يقول ان راحت ام الخطاء ثم جات = عليها الملايم اتموت والكبد مثلومه بنى فا لقبيله منزل الطيب والشيمات = بعيد الهقاوي تسبق افعاله اعلومه عسى الجنه اللي فالمعالي من الجنات = مكانه بعد ماعجل الله بقدومه الشاعر بجاد بن محمد الحافي