العمــــــدة
يا طاير الأشجان حلق وارتفع بين الطيور=لكن ترى طير السعد ماهو مثل طير الشجن
دام الزمن خيـــّرك وش حدك على بعض الامور=والا الاسامي تالي الايام صار الها ثمن
طائر الاشجان
مدام لي جنحان طير وليٌ مخاليب الصقور = ليٌ السماء بنجومها والارض للعمده وطن
وان كان راحت للاسامي ماعلى العمده قصور = عنده مطيٌه ماعلاها لاشداد ولا رسن
العمــــــدة
ما فيه صقــــــــر أحزان لكن لا تلف ولا تدور=وراك خليـــــــت الفرح ياطير واخترت الحزن
ما سقتها في جنــــــح ليل اسوقها في وسط نور=الله يستر جسم بعض الخلق بالثوب الحسن
طائر الاشجان
ليكون ناوي يا ابيض الشارب تبادلنا الشعور = ولا تدٌور من ورانا كم بطاقه للشحن
انشد عن الرجال لاتنشد عن اسرار الصدور = كلن علي ماقيل سرٌه جوف صدره مندفن
العمــــــدة
ياللي تعديت الاشارة جاك شرطي المرور=اليا سلمت من القسيمة ما سلمت من السجن
اشتلتها من طيب حظك وانت رجالً صبور=تشبها وتروح بالتالي ضحية للفتن
طائر الاشجان
انا اعرف ان البندقيه في يدينك ماتثور = تعقد على طول الزمن وتموت من حرٌ الغبن
ماشلت غير السيف ابو حدين غلاٌق النحور = للي مضيٌع في صلاته والفرايض والسنن
العمــــــدة
ثورتها لكن ما يدرون عنهـــا اهل القبور=طوتهم الاقدار في رحلاتها داخل كفن
وردت حجة باطلة يا صاحبي بشهود زور=ما ادري نسوقك فالظهر والا نسوقك فالبطن
طائر الاشجان
ما ثارت البندق على روس الذيابه والنمور = يالي تثوٌرها غبار وداخن البندق ثَعن
من عام الاول وانت في بيت الشعر ساكن دهور = محدن غطاك البشت الاحمر .. ياتهاويل الزمن
العمــــــدة
انته تبا لك درة مــــن دونها سبعة بحور=تسمع بها وتودها لكن صايبك الوهن
عنتر ولد شداد ما يحتاج له بشت امخبور=واهل البشوت الحمر ما معهم مضير ولا سمن
طائر الاشجان
حنا نشوفك كل يوم ٍ عند بيبان القصور = لو عفتها ماجيت ياعمدة على حيد الصحن
يمكن بعدها عنتر يتاجر مع اصحاب الخمور = من بعد ماصكو عليه الباب والرزق الحسن