العمدة :
مرحبا في محل اهل المقام الكبيـر = ربعي عتيبه الهيلا كـرام السبـال
يالسناني عسى ماانته سناني قصير = يا لعلك طويل مع الرجال الطـوال
السناني :
البقـى يالعتيبـي والرحـى تستديـر = ودنا ناخذ اعلومك علـى كـل حـال
كان تنشد عن الي في سنام البعير = بيني وبينك اليلـه جـواب السـوال
العمدة :
انطل الثوب واسبح وسط بحراً غزير = لاتضيع الدعاوي بيـن روح وتعـال
جاك من صاحبك شلفا وسيفً شطير = ويش ماقفك منها وانت ذيب العيـال
السناني :
جاك موج البحر وانكان منته خبير = مايفيـد التلبـث فـي قصـار الحـبـال
يالعتيـبـي تـوقـع شـرنـا مستطـيـر = قسمنا الاولـه مـن ماضيـات اليـال
العمدة :
هرجكم يا جهينه ليش دايـم كثيـر = الحكي ما يعد مع العرب راس مـال
انت في ساعة حرجة وموقف خطير = حملة في ظهرك تحن منها الجمـال
السناني :
ليه بعد الحقيقه جيت في علم غير = عارفين اليمين وعارفيـن الشمـال
مالقينا مع البدوان سمن ومضيـر = يم برق الحيـا نبغـى نشـد الرحـال
العمدة :
كيف ترقا الجبل مدام عظمك كسير = جاك فالك واذا ما سدّ باقي عقـال
لو جنيه الذهب ياخذ بكف الضرير = يمكن يخلصه من هم سود الليـال
السناني :
ليت ابو زيد في دربه لقاله شوير = يالعتيبـي رقينـا عالـيـات الجـبـال
مالك اليوم بالميقاف طيـرا يطيـر = لكن بيني وبينك لا يطـول الجـدال
طاروووووق رائع ...
صحت ألسنكم ...
وتستاهلون التنسيق ...
تقبلوا مروري ...