بندر المرشدي
ناصر المرشدي ماهو بصاحب فضيلة=صورته لو يلمعها الملمع كماهي!
ولو يصفق له الجمهور ويشيل شيله=غير ساعة فراقه ما يشد انتباهي!
ناصر المرشدي
ناصر المرشدي لو قلت مافيه حيله=تعرف اهل الوجة والجاه وجهي وجاهي
لا تمنى فراقي بين يومِ وليله=احمد الله على دله وبراد شاهي
بندر المرشدي
انت ما انته بكفو انك تعنّ الاصيلة=في نهار التحدي فاتحٍ فمك فاهي!
ياعسى غيبتك عن منتدانا طويلة=ينشطون الهكر لا جيتنا فالمقاهي!
ناصر المرشدي
يفسق الحصني المسكين ويرز ذيله=وان جحدنا/ عرفنا/ لادهت الدواهي!!
دام راسك تحت ضل السيوف الصقيله=قول سمعِ وطاعه فوقك آمر وناهي
بندر المرشدي
اكثر الهرج ياراع السوالف فشيلة=انت عنّا تدسس يوم حذف الجماهي
انت تظلم وتنهب من حقوق القبيلة=من سبب ظلمك ... اللي صابك أمرٍ إلاهي
ناصر المرشدي
كان مامعك عقل وعرف وش دعي عيله=قض باقي حياتك منسدح فالملاهي
انت راعي من الرعيان يومي شليله=بارك الله فــ ريالي وحضرة جناهي