احيي اخوي سطام على حميته وهذا ليس بغريب على عتيبي
ولكن ساكون محايدا لك لنصل الى قلب الحقيقه
العله فينا احنا بصراحه
احنا مشكلتنا نحب نظهر للعالم اننا طيبين وراعين فزعات
لدرجة ان الناس تقول ان العتيبي راعي فزعشه مع ولد عمه حتى لو ظلم
وهذا خطأ وسبب في ان الناس يحاولون يبعدوننا عن المناصب الحساسه
يعني لما يجيني مراجع في مكتبي ويصارخ وين اقرب عتيبي ينفعني
وش تبيني اسوي له بالله
وش بيقولون الناس عننا
خابر انكم بتستانسون وتقولون الحميه شرف ولكن الحميه ماتكون باظهارها قدام خلق الله
الحين اي عتيبي يمسك منصب تلقى اللي تحته على طول يتهمونه بالعنصريه والفزعه مع عيال عمه
وهذا شي متوقع صار من اي عتيبي
واحنا فينا عيب بعد اننا مانقضي حوايجنا بالكتمان ولا نعرف نسد حلوقنا ونسكت
يعني ان خدمنا ولد عمنا قمنا نتفاخر فيها واكبر دليل المنتدى كل يومين كاتبين فلان اللي ماسك المنصب الفلاني ماقصر معنا وفزع لنا
وهذا بياثر علينا اننا لسنا في محل ثقه بان نقيم النظام ولو على حساب ابناء عمومتنا
قد شفتم قصيمي يهايط على اخوياه ويقول ماقصر ولد فلان القصيمي نفعني
تلقا منفعتهم بينهم وبالدس وساكتين ولا يهايطون فيها
بس حب الفشخره عند الرجل البدوي هو الي معمي بصيرته
ليش لهالحين نستحقر العالم ونحب نظهر اننا الافضل
ياكم شخص حضرمي من الي تستهزئون فيهم اطلق من 1000 واحد عتيبي للاسف
وهذا واقع عايشته انا وشايفه بعيوني
واذا مانفعنا العتيبي
فلان اللي في المنصب الفلاني الله يسود وجهه ماوراه نفعه ولا افادنا
والشي الاهم والادهى
لو تمسك اطرف عتيبي او خلنا نقول اطرف بدوي وش طموحك
يقول اصير ضابط
ههههههههههههههههههههههههههههههه
وش ذا التفكير ياعالم
عشان تحط نجمة وتجلس تهايط على جنود اللي عندك
ودليلي شفو موضوع شخصيات ووجهاء من قبيلة عتيبه
بعض الاشخاص كاتب لي الملازم فلان والملازم اول فلان
بالله صار الملازم منصب وووجهاء في القبيله ؟؟؟؟؟؟؟؟
في احد منكم فكر يكمل دكتوراه مثلا في الاقتصاد ولا اداره الاعمال ولا التسويق ولا غيرها
لدرجه ان شخص عتيبي تخرج من كليه الطب ماحد بارك له ولا اهتمو فيه
وقدم عقب كليه الطب على العسكريه ودخل العسكريه وصار طبيب عسكري
وتغيرو العالم وصارو يهنئونه ويحتفلون فيه
قد شفتو قصيمي جندي مرور ولا بالجيش ؟
لانهم يعرفون ان العسكريه ماهي بيئه عزة نفس الا بيئه دنفسه والطايحه والنطيحه
بالله ماتغبن يوم اتصل على شخص عتيبي وابارك له بتخرجه من كليه الاتصالات بتخصص الكترونيات واساله عن خططه المستقبليه ويرد علي ويقول
والله بخش الحرس الوطني فيه تقديم على رتبه وكيل رقيب وبيكون راتبي 6500 ريال ابرك لي من شركة عرضو علي وظيفه براتب 4500
ههههههههههههههههههههههههههههههههه
شفو فرق التفكير ياعالم
مايدري ان الي بشركة يطورونه ويعلمونه ويكسب خبره
والي بالحرس الوطني ماحد حاط له تقدير لانه بالحرس وعسكري وراح يجي بزر مايسوى التاليه من الغنم حاط نجمه ويتامر عليه ويوقفه ويعاقبه
كلها عشان فرق 2000 ريال ؟؟؟
كلامي جارح عند بعضكم بس والله من حر ما اونس جايبين لي الضغط بعض العقليات المتحجره واللي راح تبقى متحجره
آخر تعديل النفيعي999 يوم 23-Feb-2009 في 06:22 PM.