[عمر الدغيلبي]

السلام عليكم ورحمة الله وبركاته


أسعد الله مساكم / صباحكم بكل خير


هذي محاورة الشاعرين المبدعين

بندر بن سعود الدغيلبي و ابن سرحان الثبيتي

التي استمتعنا بمتابتعها في المنتدى


أطرحها لكم بعد التنسيق بدون ردود




بندر سعود الدغيلبي :

ياسلامي عليكم يالرجـال الحشـام = من هجوساً تهب النود من يمهـا
ياابن سرحان وينك قوم شد الحزام = انت شاعر تجيب الدر من يمهـا

ابن سرحان الثبيتي :

مرحبا مرحبا والعرف راس الكلام = وش نبا بالعباة ليا قصـر كمهـا
انت وافي ولا يلحقك منـا مـلام = والقوافي تجيك اليا قصرك امهـا

بندر سعود الدغيلبي

كيف تنسى سهيلاً بان وسط الظلام = مير هات العلوم البيـض ونتمهـا
كان عيت علينـا بلغوهـا سـلام = فكها زيـد عـان عبيـد بيخمهـا

ابن سرحان الثبيتي :

دامت انا مشينا معك حسب النظـام = قلتلك جـاك ابوهـا قلتلـي سمهـا
مدري انته تباها برد ولا سلاااااااااام = مانبا الحية اتجرعـك مـن سمهـا

بندر سعود الدغيلبي :

فاهمين النظام وحاضرين الـدوام = ياولد خالها ماانتـه ولـد عمهـا
لبسوك النشاما فوق صدرك وسام = عاير البندق اللي كاثـر زمهـا

في الختام تحيه لشعرائنا المبدعين الذي أمتعونا

بهذا الطاروق على أمل أن نراهم في محراف آخر

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه