معجب العتيبي
سلام الله سلامٍ على الصفحات ينقال=على ضيفان ربعي وربعي وقصراها
يافواز السعيدي وش اللي غيّر الحال=وراك تقدم الطيبه ثم تحداها
فواز السعيدي
هلا يامرحبا رحب يرضي كل رجّال =ورجلٍ قدّم الطيبه ياخذ ثناها !!
لمحت اللي يبا يختل العربان مختال = ولبغا البندق اللي تعوّد في خباها !!
معجب العتيبي
انا خابرك ياصاحبي منته بعيّال=ونفسك يالسعيدي رفيعٍ مستواها
مايرجع في عطاياه حتى قليّل المال=وانا خابرك بنك ورصيدك مايضاها
فواز السعيدي
على قول المثل (للنشاما فال وعقال ) = عسى بعض الرياجيل ماتشقر عصاها !!
انا ماكنت اظن ان معجب ضيق البال = نصيته في مهمه واظنه مايباها !!
معجب العتيبي
تعرف الحق لكن عنه اليوم ميّال=نجوم الليل بانت وزانت في سماها
انا ماني بنادم على زينات الاعمال=نصيحة كان فواز بعيونه يراها
فواز السعيدي
انا خابرك للمدح والنوماس مدهال = ونفسك طيبه والروابع ماكماها !!
ترى الدعوى بسيطه ولاتستاهل جدال = ولكن انت تبغا مقاصد من وراها !!
معجب العتيبي
انا ماجيت اجادل ولا ابغى القيل والقال=ولا ابغى كلمةٍ صاحبي يلعب يباها
يافواز السوالف تغنيها بموال=لكن كلمتك ياصاحبي و إتعب علاها