[* نجم سهيل *]

بسم الله الرحمن الرحيم
.
.
السلام عليكم ورحمة الله وبركاته
.

.
اليكم هذه القصيدة للشاعر الشاب/عبدالاله المقاطي
اللتي أتمنى ان تحوز على رضاكم وتنال إستحسانكم
.
.
.





ماني على بعض الطواريق محـدود ** يالي تحسب إنـي مضيـع دليلـي


ما تدري إني كان هبت لـي النـود ** اسوق في مشهاي هجنـي وخيلـي


عزمي على وطي المسافات معقـود ** وعلى مساري الليل ياويـل ويلـي


مالي مسافـات ونطاقـات وحـدود ** أبسط فراشي حيث ما يستـوي لـي


وأشب ناري وأحتسي لي بكم عـود ** وأجلـب معاميلـي وبنـي وهيلـي


وأعجل بمن تكرم عن النقص والزود ** بريـةٍ يشفـي طعمـهـا غليـلـي


وأجر صوتي وأكثر العالـم رقـود ** ويطول مـع بـدع التماثيـل ليلـي


مانـي بـلا ناقـد ولانـي بمنقـود ** لاني على سبـل المراجـل سبيلـي


حافظ وصية عودي وجـدي العـود ** والناقصة ما تنحسب مـن حصيلـي


ولا جملت البيض مع جملة السـود ** ولا كثر فالوقـت حطـي وشيلـي


عايش على العز وعلى العز مولـود ** ومن جيل جدي وارث العز جيلـي


يعني على ما قالوا العلـم مجـرود ** من دون ما أجامل وربـي وكيلـي


بيت الشرف مبني على ساس وعمود **وأنا أحسب حسابه فعدلـي وميلـي


وبيت المذلـه فـوق بانيـه مهـدود ** والي تربـى فيـه ماهـو عميلـي