فواز السعيدي
وشلون نبدا بالسوالف قبل نبدا بالسلام ؟ = سلام ردة وافيه قدام نبدا السالفه !!
خل العيون الساهرة يكثر سهرها لاتنام = احدٍ عيونه طيبه واحدٍ عيونه تالفه !!
معجب العتيبي
عزالله انك مانطقت الا الصحيح من الكلام=يامرحبا والصح يافواز محد يخالفه
اللي يقوم الليل يافواز لا نام الانام=يبشر بامان الساعه اللي كل نفسٍ خايفه
فواز السعيدي
الله يبارك فيك ياراع الذخيرة والحزام = الطيب لاهل الطيب وانت الطيب دوم محالفه !!
ياللي خدمت امع الحرس خدمة يجي عشرين عام = ودّك يرقونك برتبه والحكومة حالفه !!
معجب العتيبي
والنعم فيكم والشهاده حق مافيها ملام=واللي بكم معروف يارجال كلن عارفه
مايترك الواجب ياكود الخبل وعيال الحرام=وانته على ماقيل يافواز رجلن عارفه
فواز السعيدي
الوادي الممطور كلن جاه من قبله وشام = فيه النحيلي والسّكب والربعه المتوالفه !!
ماهو خطا لكن انا مارضى على معجب يضام = انته ملفك ماحوى لفتة نظر ومخالفه !!
معجب العتيبي
ياعل من سواه يافواز تغشاه الرحام=والله يبعد راعي الفتنه وشين الطايفه
ماضاعلي حق وحقوق اهل البلد عند الامام=الخير فالوديان وايضا فالجبال النايفه
فواز السعيدي
حنا ليا طاح الحيا فدياركم جينا قوام = انتم عواني وقصرا واللي ولفنا نآلفه !!
اجل مدام الوضع هادي والسوالف بانتظام = يمّة عباد الله على مكة مهي متخالفه !!
معجب العتيبي
انتم ليا طاح الحيا تبقون فالحره صيام=يمكن زرا يمكن كسل ماني بقايل خايفه
حنا كذا والا كذا كلش على احسن مايرام=والوضع طيب يالسعيدي مثل مانته شايفه