اسمح لي بالتنسيق
لاطمرت النـار مـره لاتعودهـا بثوبـك=ثم تور به اللهايب ثم يعـود لـك رمـاده
انتبه لاتنحرف ثـم تـورط بـك ذنوبـك=وانت تدري انك اصلاً اضعف من الله إراده
ان وصل يومك بوقته كل هالعالم سعوبـك=والحظيظ اللي ختمها من لسانـه بالشهـاده
الحكم للعقـل حاجـه لاتضيعهـا دروبـك=اخذ ماتحتاج منها مـن مواضيـع العبـاده
اذكر الله في منامك في مقامك في ركوبـك=لانغزك بليس سبح واعلن بنفسـك جهـاده
والدينك بر فيهم كـم وكـم ليلـه شقوبـك=بر فيهم ثم تشوف العمـر تقفـاه السعـاده
التكبـر مايفيـدك مـار لاتنفـخ جنوبـك=والتواضع يرفع اجرك عند ربك فالريـاده
كل ماجات الدعاوي ضـدك وماتنتحوبـك=الصبر افضل وسيله بس لاتـرج الوسـاده
لاوثقت بسعر سابـك الهواميـر لعبوبـك=ولااشتريت بسهم سيسكو ماتحصلك كـراده
المصافي واللجين منسبه من غيـر اوبـك=والمواشي قفلت من عقبهـا بيشـه زيـاده
ماتفيد التاجر الدنيا علـى شانـه يدوبـك=لانسى ربه يعيش بضيم وهمـوم ونكـاده
كل ماتضحك بمبلي المهابيـل إضحكوبـك=وان ذكرت عيوب غيرك ماتفارقك القراده
سمعتك لو انهـا متدنيـه مارحبـوا بـك=والعرب فيهـا طبيعـه مايخلـون النقـاده
انت مسؤلاً رئيسي كل ماكثـرت عيوبـك=حاول انك تستفيد من الغلط واترك عنـاده
الحقوق اللـي لغيـرك لاتدخلهـا جيوبـك=وان زعلت ازعل لحالك لا تزعلك قيـاده
صح لسان الشاعر ناصر الحافي وبيض الله وجهك يالذيب