يمشينا قدر ربي ولا نقدر على التغييـــــــــــر= قدر في لوح محفوظٍ وحنّا دوم نومــــن بـــــــه
قدر من قبل ماأولد تراه مسطّرٍ تسطيـــــــــر= يجيني أوقات في شيٍ بإيماني ترى طبّــــــــه
أبي منك العذر يومي وعدت ولا قدرت أسيـــر= على ماقد حكى به لسان يعرف النقص ماحبّه
وعدت بشي والعالِم إلهي خالق التكويــــــــر= تِزين النفس والأحوال يمين الله من سِبّــــــــه
يغيّر حالتي وأسعد وأشوف بدنيتي تنويــــــــر= ويغرب به شقا عمرٍ ذبحني عاصفة هبّـــــــــه
وعدتك..ماحداني عنه ولجبرني على التاخيـــر= سوى شيٍ تقدر لي وكاسي لازم أشربّـــــــه
وأحمد الله على أقداره وأبي عذرٍ على التقصير=هذا حظّي من أيامي..ولومي طالبك كبّـــــــه