العازمي
بين بيض السوالف والقلوب النظاف = مرحبا يالعصيمي ساسها كلها
لو يمر الشهر ماصار لي معك قاف != ضاع هاجوس الاشعار وزمى غلها
سعود العصيمي
بين زرق الرماح وبين حد الرهاف= البقاء يامرحب وانت راعٍ الها.
ماني بخابر بيني وبينك خلاف =كود عندك قضية جاين اتشلها.
العازمي
قامت الملعبه والسعي بعد الطواف = والجبال المنيفه ظافيٍ ظلها
من يقول الليالي صار فيها اختلاف = اكحل عيونه الثنتين ثم خلها
سعود العصيمي
نوب اورابعيد ونوب اعاين واعاف =ضاع عمره وضاعت خدمته كلها.
ساعة الوقت تمشي والحقايق تشاف = البلا فالعرب ماهوب في حلها
العازمي
لوّ تذكر قديماً فيه شركة هتاف = باقيه يالعصيمي ماختلف دلها
الحرامي لابدّه في يدينه كتاف = ماوقف للرواسي غير ندلها
سعود العصيمي
ماورا هتاف غير الجوع والا الجفاف = شركة فاشلة ماني بربٍآ لها.
يوم عينك ترا واتشوف قدم وخلاف = وش تبا بالهنود الحمر ترطن لها
العازمي
تعرف العازمي ماهوب راعي خفاف = يعقد الحبل وانته كفّك اتحلها
صومعت يالعصيمي والاذاني شراف = مع مزوحٍ تغث الكبد وتعلها
سعود العصيمي
لاتجيب الكتاب اللي بليا غلاف = ثم تاقع بفخآ مانت فاضلها.
يابن عاصي ترانا مانحب الضعاف = مارلاتجحد حقوقي وتحتلها