خواطر مطلق الثبيتي يهديها لزملائه الشعراء وهي مبنية على { الشقر}
أولا إلى محمد بن تويم الثبيتي:
يامحمد مشيت الدرب في الغرب والدرب انقسم
درب فيه الحفا والشوك نابت ودرب فيه حلاوة
أيها أختار وأيامي قصيرة وفي لساني مراره
والعتيبي يباله مع عتابه حصان يعتــليه
كلما قالوا , أفزع قال: حاضر ووفى الموجبات
والغنائم تقسم للقرابة ولافيهن قسم
للذي منتحي وليا حضر قال له {صالح حلاوة}
مادريت أنه كما زبد يميع : وقلة معت ليه
وأنت اللي تقول أنك تهدي القلوب الموجبات
إلى الشاعر: عوض بن سليم
طال دربي وأنا مقفي وكيف البصر يابن سليم
كلما قلت هذي المرحلة مالقيت الاستراحة
كن تحتي ليا ما نمت يابو سعد ناروشوك
والمسافر يرى بالعين قدام وهجوسه وراه
لو بغا يلتفت للخلف قال الزمان العزم راح
وان لاخير فاللي مايعدي على الساق السليم
والمقاييس ضاعت وانتهت ما بها فالقيس راحه
مار ياغصن لاتابس وتكسر ومن نارك وشوك
كل غصن يبس مقبول للنار وادنى ما وراه
لو سقاه الزمان أخضر وأرتاح حظه واستراح
إلى الشاعر: محمد الجبرتي
ياجبرتي على عين الثبيتي من الدنيا ستاره
والستاره حديد وصلب ولكنها صنع البشر
والذي صاغها يابو شريف ترا ما هو بصانع
صاغها الله له وامسى يغني بها بين الرواه
وانته أدرى بمن يجزع ويفزع ومن يقضم حصاه
ليت عنتر يحارب محمل الروم وابني عبس تاره
ثم تبرا جروح الرأس منها بعد ظلا بشر
لعن أبو من يداهن ياجبرتي وغربه ما وراه
وأن تعدوى على العقال يمسي ودينه ما حصاه
إلى الشاعر: مستور العصيمي
ليت وليا ان {أبو تركي } معي فالرحيل في المقام
والمسافر يسليه المسافر وكل في هواه
ودي أنه يشوف الموت والحوت فالبحر العريض
حوت يقرأ وحوت يسبح البحر ولكن ماقرا
مايصيده يكود اللي على البحر بيته من حديد
مار بالله يامستور خلك لزمزم والمقام
وأن شوتك السموم أفزع ليا الطائف استنشق هـواه
قول للطرقي العجلان بالله ياعجلان ريض
لاتعدى الشرائع وان تقزويت زور أم القرى
الليالي تبيد الدرع والرمح والسيف الحديد
إلى الشاعر: خلف بن هذال العتيبي
ياخلف ليه تمسي ديرة الكفر مافيها خلف
ليت ولين أبوهذال ممسي قصور أم الحمام
ما يماسي عجوز كلما جاء يغني ماطرا له
قالت أسكت ترا الجيران يبكون من صوت المغني
لعن أبو ديرة فيها العرب والطرب حزن صاح
خلص الواجب اللي جيت له وانطح أهلك ياخلف
والبنادم يبيع ويشتري ما رقا فيه الحمام
مثل من يزرع الدار السنيه وذاك المطر له
يا مغن الشتا والصيف والرزق حييك من مغن
أسرعي وأمرحي ياشمس فالشرق واطلع يا صباح