ياسعود بن سالم سلايل عتابه ===== ياشلوة الكفار روس المناعير
الشعــر مثل النير كل رقابه ===== لاشك من هو يمتلك قمة النير
ودامك من اللي فاللقا ينغزابه ==== = اطلق سبوق الطير ويعشي الطير
شد الحزام الممتلي والعصابه===== وابهج صدور اهل الدلال المباهير
والسيف ابو حدين جود نصابه ===== واضرب بحد المرهفات البواتير
خل املح السلات يرعف ذبابه ===== في ماقف مايحتمل زود تفكير
اقلط ترا خلفك من الروس لابه ===== عتيبه الهيلا لدعمك طوابير
اهل المشوك والقنا والحـرابه ===== واهل المهار القب واهل المغاتير
اللي يطشـون العشــــاء للذيابه ===== بأيمانهم وقت الليال المعاسير
صغيرهم فالكون يحسب حسابه ===== وكبيرهم يدحم بجنبه شمنصير
عدوهـم سـم ذحــاح شــرابه ===== ودخيلهم يزبن دهاة مشاهير
ومن لايحوز المرجله في شبابه ===== يضيع عمره ماورد جمة البير
طراة عمر الجل كسب المهابه ===== يصبح كبير القدر لو عمره صغير
فاضل مرزوق بن طاحوس الحافي
آخر تعديل الحافي97 يوم 28-Jan-2009 في 08:32 PM.