محمد شبيب السبيعي
سلام تسليمة وفاء والعلوم أقصـار وطـوال=ياطيبها كان ابن سرحان شرفنـا حضـوره
ياذيب شمس العصر غابت على رجلي وخيال=والليل الاسود لليل مسراه ماينشـاف نـوره
ابن سرحان الثبيتي
يامرحبا والوفا والطيـب والمعـروف لا زال=خصله حميده وهي بين الرياجيل امخشـوره
وان غابت الشمس ماغاب القمر ياطيب الفال=والصبـح لابـد لـه طلعـه وللايـام دوره
محمد شبيب السبيعي
دام البقا ياشاعرن عندنا عن الف رجال=اقولها ويقولها كل عاقـل مـن شعـوره
يمناك لا مدت على شارب الرجال فنجال=الله يسلمها يمين(ن) على الطيب امعذوره
ابن سرحان الثبيتي
يابن شبيب اقطر اصفوف العساكر صفها مال=واللي في نجران ماظنه كما للي في شـروره
المشترى غالي ولاينقـدر والسـوم بريـال=وحساب الايام اله توقيت والدنيـا صبـوره
محمد شبيب السبيعي
انا احسبنك يابن سرحان تلعب كل موال=وأثرك تلفت ماتحقق عيونك كل صوره
أعقيل جماله وهاليوم مافي عقيل جمال=والجمس لامنه عطا الخط غنتلك سيوره