الأمير محمد الأحمد السديري رحمه الله كان صاحب طرفه مع اصحابه وقد رأى الشاعر الأزيمع الشمري يصلي بالسووايق فلعل الأمير استنكر ان يكون الإزيمع خطيب فقال :ـ الشاعر محمد بن أحمد السديري رحمه الله
الله يثيبك ياخطيب السواويق=والله يوفقك السعد والخطابه
مطوع تجهم على فكة الريق=وبعض الجروف المظلمه ماتهابه
فرد الإزيمع على الأمير قائلاً :ـ
راع المثل يذكر بمرباه بطويق=أسمه ما عرفه ضيعتنا الكتابه
الله يجازي مقطعين الطواريق=كيف المطوع يلحقونه سبابه
قلطت بالمحراب قدم السواويق=وصليت بالحربي صلاة الصحابه
وخشع من الآيات جنه توافيق=من يوم سمع القارعه جاك مابه
وغدت عيونه من دموعه مغاريق=حربي وجاه مطوع مادرى به
وحلف فلا مثلي بكل المخاليق=من ضرب ركعات على الله ثوابه