الاصعر
عد ماهلت هماليل المزون العقربيه=ياسلام الله على الهيلا كريمين السبالي
ياعتيبه شاعر الميقاف تاخذه الحميه= كيف اخلي ماقفي والمشترى والبيع غالي
عبد العزيز العضيــاني
عد ماسلمت يالاصعر ورديت التحيه=مرحبا ترحيبة تنشر على روس الجبالي
من يخلي ماقفه جعله توافيه المنيه=لاتخلي ماقفك وانته من زحول الرجالي
الاصعر
احسب حسابك بعد لديت بالنظرات فيه= ماينوخ للحمول الجايره غير الجمالي
شد حيلك واسر ليلك نارنا بالعز حيه=حظك الليلة رمابك قدم ابو زيد الهلالي
عبد العزيز العضيــاني
ياصحيبي وانت تعرفني وانا زبن الونيه=ماغدالي يالسنافي لاجنيه ولاريالي
من مدح نفسه ترى ربعي تحمله الزريه=ليت ابو زيد الهلالي يسترح فوق الزوالي
الاصعر
والله اني ماعرفتك شاعر((ن)) غير العشيه=اسمع ابن حويد رأوي من قديمات الليالي
وش يقول الفارس شليوح خيال العبيه= مايعيب الرجل عد افعاله ان جاله مجالي
عبد العزيز العضيــاني
راوي وشاعر يالاصعر من عصور الجاهليه=وارثين المجد من جدان واعمام وخوالي
انت ماعديت فعلك قلت انا شيخ السريه=ابرز اسمك لاتسموى بالهلالي ياحلالي
الاصعر
في ذراعي يالعضياني ما ارد النافعيه=مانويت اذبحك وانته من عتيبه رأس مالي
وانت لاتسرح من الطايف وتمسي فالحويه=امش معنا فالدروب وفالمشاوير الطوالي
عبد العزيز العضيــاني
الله اكبر تالي الايام ذا طمعان فيه=مادرا اني ياجماعه قد عقلته بالعقالي
ماشيٍ فالدرب وانته ضعت لك في مهمهيه=والاجابه جبتها من بعد ماشفت السوالي