المجرم / كبتن عتيبه
بِاللْه يابن سرحان وين عنب بقران؟=اللّي طعمه يداوي الكبـد العليلـه!!
راحت هدايا صاحبي لفلان وفـلان=يسراه فيها جود..ويمينه بخيلـه!!
المتألق / ابن سرحان الثبيتي
بقران ياكبتن عتيبه !!! فيه رمان=لكن ماهو حلو مثـل الحنظليلـه!
والبندق اللي مالها حبه ونيشـان=اهدافها صعبه ولاهـي مستحيلـه
المجرم / كبتن عتيبه
ابوك ورَّث لك من الرمان بستـان=لكن بستانك ما ندري وش حصيله؟!
الرمي خلّه من ورى غامد وزهران=ياراعي البندق ترى الطرقه طويله!!
المتألق / ابن سرحان الثبيتي
وابوك ورثلك ثلاث ميه من الضان=لكن لا تبدي بهـا ريـع الفشيلـه
انته وانا لو اختلفنا نرجع اخـوان=اخـوان فالاسـلام ولا فالقبيـلـه
المجرم / كبتن عتيبه
أنا ورثت المعرفه ..واتعب على شأن=أوصَّل المعنى لكم بأهون وسيلـه!!
كبتن عتيبه لو يخمّك يابن سرحـان=مثل الزلامي لا قبض زيد العضيله!!
المتألق / ابن سرحان الثبيتي
ان كان هذي معرفتكـم ياكحيـلان=مامثلـك الا نـور بيـاع البليلـه
تبا تخم الذيب وانته منه وجعـان=الذيب كل ٍ يعرف اذراعه طويله !!