[رايد الهديبي]

تبع

الجادل اللي حبها شيد على قلبي قصور

الجادل اللـي حبهـا شيـد علـى قلبـي قصـور = والله لتفـنـى ماتقـفـل فالخـفـوق أبوابـهـا
أحبها والقلب ماهـو فـي هـوى خلـي معـذور = وأحـب أبوهـا وأمهـا وأحـب كـل أقرابـهـا
وما دامني في بالهـا مـا لاحقـن بالـي عـزور = وغيابهـا للـروح يعنـي فالحيـاة غيابهـا ..!!
وبنات فكري لا طرت تارد بـي السبـع البحـور = وأعـوم فيهـا وأنتقـي فاللـول مـا يزهابـهـا
ولا من طرت في ضيقتي تقلب لي الضيقه سـرور = وأنسـى نكايـد دنيتـي واهمومـهـا واتعابـهـا
وأهيم مع ضبي الفلا واعيش معـه بـلا شعـور = وأسـج رجلـي للجـبـال النايـفـه وأرقابـهـا
ما شي حولي غيـر طيفـه والفيافـي والزهـور = والخـد أرضـي واللحـاف اللـي علـي أهدابهـا
مشي "ن" على وضح النقا والشوق زاد النور نور = وأهل الوشايـه مـا نحسـب فالـدروب حسابهـا
وياللي تقول ان الجمال اليوسفي ساس الغرور . = ترى الغـرور اللـي تمـازج بالحـلا مـا عابهـا
مع زينها حط الحيـا مـن دونهـا نقطـة عبـور = ما كـل طامـع فالهـوى يقـدر ينـوش ترابهـا
وياعاذلـي ياللـي تمنـى بينـا هـدم الجـسـور = خـل السيـوف المثلمـه ياعاذلـي فـي جرابهـا
ما للصقور المرقبه فـي جوهـا غيـر الصقـور = والكايـده لأصحابـهـا والهيـنـه لأصحابـهـا
أقولهـا وأدقهـا سهميـن فـي وسـط النحـور = "والخيـل مـن خيالهـا والنـار مـن شبابـهـا"
بنت الرجال أهل الوفا كرام اللحى طـوال الشبـور = اللـي علـى عـد الـروى دايـم تعـن ركابهـا
من غير ناقص في طحاطيح الرجـال ولا قصـور = في ضنتي ما غير عايـض فالرجـال أولـى بهـا
وأنا من اللي لو يبور الوقـت راسـه مـا يبـور = أحفـظ وصيـة شايبـي والقـوم مـن شيابـهـا
ماني من اللي شغلته بين العـرب دهـن السيـور = ولا نيب خبـل يعـرض السلعـه علـى جلابهـا
صحيح من قـال الحوايـم كلهـا تسمـى طيـور = صحيـح مـن قـال الحـرار يميزهـا مخلابهـا
وصحيح من قال السعه ياهل السعه وسع الصـدور = واللـي يقـول ان المطالـب مـن قسـم طلابهـا
أقولها وأطولها وأضـرب بهـا فـوق الصخـور = من ضاق منها ياعسى واللي رضى يرضابها
الجادل اللـي حبهـا فأقصـى المعاليـق مخبـور = لن طال وقتي أو قصـر فـي خافقـي مضرابهـا
وطبعي كذا ..!! ياللي تلفلف فالسواليـف وتـدور = الكايده هـي مطلبـي والهينـه مـا أرضـى بهـا

وهذا قصيدة في المسابقه الشعريه لمنتديات مجالس عروي

واليوم كنـه فـي حشايـه بـه رحـاة تستديـر = واقـوم فـازع مـن منامـي كـل مـا حسيتهـا
أشيل حمـل مـا يشيلـه ياحمـد متـن البعيـر = وليـا رثـع راع الحمـول الكـايـده شليتـهـا
وياشينها لا من رغا ياصاحبـي عقـب الهديـر = راع الحمـول اللـي متونـه للحمـول أركيتهـا
ماجيت شاكـي يالخـوي لـو الوقايـد تستعيـر = مـار الحبـال اللـي تـودي للـوفـا مديتـهـا
العلم .. شي .. باختصار .. يخلي العاقل يحير ..! = الرفقـه اللـي مـا تنومـس فالخـلا كبيتـهـا
الرفقـه اللـي مايـذري صيتهـا يـوم الهجيـر = والله لن تبطـي عظـم وتمـوت مـا خاويتهـا
ماهو غرور ولا تغطرس وأنـت بالحالـه خبيـر = ياكود نفسي عـن دروب أهـل الـردى عليتهـا
الحـر يكفـخ بالجنـاح ولا كفـخ طبعـا يطيـر = ولا النعـامـه لا اكفـخـت ياليتـهـا ياليتـهـا
أقول قولي واحشمـه لا صـاح صيـاح النذيـر = في يوم ولد الـلاش يشـرك خيتـه فـي زيتهـا
وانا أحمد الله مغتني ياصاحبي مانـي فقيـر.. !! = كنز المراجـل مكسبـي والحـي يـارث ميتهـا
وانا وريث الشايب اللـي مـاورد هـاك الغديـر = ولا ورد غيـر العـدود اللـي يـروي صيتهـا
لبست ثوب المرجله مـن عادنـي ورعٍ صغيـر = والركعه اللـي تعبـت بعـض العـرب صليتهـا
ومن هو نشدني عن خوالي قلت له علـم بصيـر = مـن روس قـوم ترتقـي بالمجـد لا عديتـهـا
من آل مستور النشامـا مرويـة حـد الشطيـر = أهـل البيـوت اللـي يـذري فالشدايـد بيتهـا
قوم ليا ثقلت علـى متـن الضعيـف والكسيـر = حدتك ياوقت العنـا,, وتمـوت مـا حديتهـا..!!
ومدام هذا منزلـي وأنقـى مـن أنسـام العبيـر = وأحد من ضرب السيـوف اللـي معـي سليتهـا
بقولهـا واللـي يصيـر فعقبهـا خلـه يصيـر = والله لن تبطي عظم وتمـوت مـا خاويتهـا

..!!