ابن سرحان الثبيتي
يالمرشدي ناصر !!! ترى الكارثه جات =من يوم اريت اوجيهكم فالمرايا
ان كان هاني واحد من الخواجات!!! = طلع مسوي في بعضكم سوايا
ناصر المرشدي
نقراء عليها الفاتحه والتحيات=ونجندل الديبان فوق الحيايا
تقولها وانته ماشفناك بالذات=وراك عنا منزوي فالزوايا
ابن سرحان الثبيتي
ابك المصيبة كنكم عنده اموات = لو اندرقتوا عن وجيه البرايا
عز الله اني يوم شفت السجلات = مافيكم اللي يستحق التحايا
ناصر المرشدي
وراك ماصلحت معنا العلاقات=يوم انت تشره ياخبيث النوايا
حنا عيال اليوم يافايتِ فات=ان كان ماغيرت مبداك يايا
ابن سرحان الثبيتي
انتم بديتوا بالعلوم الخبيثات = حتى سمحتوا له بنقل الحكايا
حنا عيال اليوم لكن هيهات = خلاص ماتمشي علي الدعايا
ناصر المرشدي
ياراعي الاسهم ويمتابع الشات=مروعك تقرير زينه ومايا
ماناكل الشمه ولاناكل القات=هقوانتا تحفي سبوت المطايا
ابن سرحان الثبيتي
هذا منول لكن اليوم بالذات = يالمرشدي جاتك سهوم المنايا
ياطيبكم لكن في بعض الاوقات = ادميكم تجمد بوسط الخلايا
ناصر المرشدي
عساك طيب يالثبيتي 0سلامات!=وش لون قلبك بين عوج الحنايا؟
ماشيف لك من ماضي الوقت وقفات=وتقول انا الطيب عديم الحلايا
ابن سرحان الثبيتي
انته من اللي صارلك فيك ويلات = لكن هذي وحده من الهدايا
لا تحسبنك فايز ٍ فالمباراة = ياللاعب اللي فوق ظهرك كوايا