علي فلاح العضياني
الليله الطاروق معناه مرسوم=لكنّ ما هو بالخطوط العريضه
نور الحقيقه ما احتجب دونه غيوم=اهبي هبيتي يالوجيه البغيضه
ناصر المرشدي
ملزوم اجاري طيب العرف ملزوم=لو هاجسي ماكل شاعر يهيضه
تبدي نجوم ويغدي الغيم بنجوم=والفوز فال اهل النفوس الحضيضه
علي فلاح العضياني
رغم انتصار الفرس دايم على الروم=تلقى الصدا يملا القلوب المريضه
لا والله الاّ فارقت عينك النوم=بكره يبا كلٍ يقدّم عريضه
ناصر المرشدي
ياقوم يابعض الهناديب ياقوم=سلم على وصل المقاطي وعيضه
اللي يهبط السوق مايعرف السوم=كلِ ليا صار المساوم يغيضه
علي فلاح العضياني
الديك بالجنحان ما يقدر يحوم= في كل عام يحطّ فالعشّ بيضه
فالعرف تحكمنا قوانين و سلوم=و فالدين ما نترك صلاة الفريضه
ناصر المرشدي
اخس من ريح البصل ريحة الثوم=ماحدِ يبيها في شتاه ومقيضه
الادمي بالعقل والدين محكوم=ونقيض علم الطيب يلقى نقيضه