قادح شرار
يا سلامي سلام ٍ .. يلزمه تأييد = ضد باراك راع الظـُلم وأعوانه
الله إنه يدبر ما يشاء ويريد = الله ( العدل ) رب الكون سبحانه
معجب العتيبي
مرحبا مرحبا ..ترحيبة التنديد=قالها شاعرٍ ما خانه السانه
الدعا حيلة الجيعان راع القيد=وانت سفرتك مما طاب مليانه
قادح شرار
البقا يا عميل ٍ .. يوم جبت الميد = شفت مرسولنا واضح بعنوانه
والمعاني بعضها >> في مداه بعيد = مالها غير فارس مسرج حصانه
معجب العتيبي
هات علمك وخل النقص والتزويد=وان بغيت السنع ياصاحبي عانه
ماجهلنا علوم الفقه والتجويد=يوم بعض العرب غرنه الحانه
قادح شرار
اليهودي يحب سياسة التعبيد = وده يحط غزة ..تحت كرعانه
مير أنا ما عليّه من لعين السّيد = لو يوسوس له ويغويه شيطانه
معجب العتيبي
جمسٍ ازرق تعدا داخله تنجيد=لايغرك ليامن فك بيبانه
انت رجلٍ سياسي لاتجيب العيد=لاتعوّد عليك القوم زعلانه
قادح شرار
راعي الجمس ليت إنه موقـّف حيد = جمسه أزعج عباد الله => بشكمانه
واليهودي علينا لو يكيد الكيد = ما يزعزع قصر ..ثابت بسيسانه
معجب العتيبي
الكلام الحقيقي مايبا تاكيد=كل موضوع ياقادح بميدانه
ذيب لاتحسب ان الوقت كله صيد=جاك علمي وقبله جاك برهانه
قادح شرار
كان وإن الجمل تايه بوسط البيد = برّكه فوق الأرض وقطّع بطانه
وكان نصحي على باراك.. عيـّا يفيد = ماني بمتعب ٍ نفسي على شانه
معجب العتيبي
المواقف ياقادح ماتبا تصعيد=ولاتضن العرب بالحيل طربانه
ادري انك تحب النصح والتجديد=لكن العدل جوّد وضع ميزانه