فواز السعيدي
السنين اتجض يامرزوق ابن حمدان جضـه=وانت لو ضاقت عتيبه تستقيل امن الاماره !!
الظفر حيلة صليب الراس لو مـازان حضـه=مثل ماقال المثل (كلن مولع فـي ديـاره ) !!
مرزوق بن حمدان العتيبي
يالسعيدي لو زعلت وعضّتك دنياك عضه=حاول انك تقنع بواقعك وتخف الحـراره
السنين اتدور وانت اللي بقلبك لاتفضـه=مايشيل الحمل غير اشعيل لو يدبل هجاره
فواز السعيدي
ان زعل ضيفك من الاخوان يالغالي ترضه=قبل الد العين فاللي حط في دربي حجاره !!
اشهد انك مايجيك اقصور والعالـي تقضـه=مار بعض الربع ضايق كل ماجيتك زياره !!
مرزوق حمدان العتيبي
لايجيك اشكوك في ممشاك والطاروق قضه=مع رجال العرف والمعروف ورجال النعاره
البحر ماكل رجـال ٍ يبـا يقـدر يخضـه=لو دفعه الشوق يافواز ياخذ مـن محـاره
فواز السعيدي
والله انا نعرف المعدن ذهـب ماهـوب فضـه=يمشي البابور وازرى الموج لايخلف مساره !!
الضعيف اللي حصاة الوقت ترميـه وترضـه=مادرى ان الحذف مايرعب ذياب ولانمـاره !!