ولد عسكر البارود
سلام لعتيبة الهيـلا زحـول الرجـال=الهم فعايـل جميـع النـاس تدريبهـا
احد(ن)يشجع نصر واحد(ن)يشجع هلال=واطفال غـزة تذبّـح محـد داريبهـا
العفريت
يامرحبا ياهلابـك ياكريـم السبـال=عن عزوة تكسب الطالات من طيبها
لاحان وقت الصلاة يقوم يذن بـلال=ابلال عنده علامات ويمشـي بهـا
ولد عسكر البارود
دام البقا يالمصدّر للعلوم الجزال= فسر علوم(ن)ماظن القلب راضي بها
عشرين يوم(ن)وغزة وضعها في قتال=جثمان نصبح بها جثمان نمسي بها
العفريت
بنت الهوى مالقت في دربها بن حلال=جوها عيال الحرام وطلعوا غيبها
وان كان وانك تبا غزه فشد الرحال=والله ونعمين باللحيه واشانيبها
ولد عسكر البارود
رايح لـها بـذن ربـي لو يـجيـنـي مجال=واحرر القدس وارقى في مراقيبها
امسك طريق التقى واترك طريق الضلال=وهذي نصيحة لابد الناس تمشيبها
العفريت
اصبر يجيك الفرج من شرق والا شمال =لابد ماتارد العطشى مشاريبها
ياصاحبي وش نقول الياسمعنا السؤال=من ضيع الجوهره من يقدر ايجيبها