كبتن عتيبه
تدرّج يامحمد والقلم يكتـب علـى الأوراق=نبى نسوّي معك تحقيق يامحمد هذا المرّه!!
وأنا بانشدك عن ماصار ياشاعر ذوي زراق=ذوي زراق وش سوّو مع السلمان فالحرَّه!!
محمد بن رشيد
على شوفتك ياكتبتن نذرت انحر ثلاث انياق=وانا لي وقت ماحصلت الك فالمنتدى جرّه
تنشّد وانت غايب عن لزومك ماثنيت الساق=وحنا ماغدى من حقنا مايازن الذره
كبتن عتيبه
هذا من طيب ساسك يامحمد طيّب الاخـلاق=وأنا لوغابت عن هالمنتدى لابدَّ ما امُـرَّه!!
بغيت أصَلك واليا أنّك مقفَّي..قلت بالطقـاق=و لا لي في حضيرٍ مع طريقك رحت مجترَّه!!
محمد بن رشيد
ترى لن غبت والا جيت منته مخلد الصعاق=لكني من غلاك اقول جعل الوقت ماضره ؟
هذا ماهو عذر ! واكثر كلامك ياولد مالاق=تخفّا لجل خيرك يالثبيتي غالبه شره
كبتن عتيبه
أجي واروح والدنيا وحالتها ..لقـاء وفـراق=وأنا ماني بمخلد.. وأنت اظنّك عاقل المُـرّه!!
ترى شرهتك فوق الاد روق اللّي على الميثاق=وحنّـا فالوعـد مانوعـد الرجـال ونغُـرّه!!
محمد بن رشيد
ابا حدّك واضدّك دام وانك للعنا مشتاق=وابا اشرّف عليك بكل من يعرفك واتشرّه
ياراعي البشت علق بشتك الاشقر على المعلاق=وخلّك في ذرانا والليال السود مفترّه
كبتن عتيبه
محمد يامحمـد لا تبيـع البَيـض للسـلاّق=ترى ماكل مرّه يالعتيبـي تسلـم الجـرَّه!!
ياما أسقيتك حليب وتاليتها تقول.. ما ينذاق=أثرك الله يامنَّا منكر المعـروف بالمَـرَّه!!
محمد بن رشيد
انا ماني فقيهه وانت ماياردك سلك ادقاق=كبيره يالعتيبي مير زر ازرارها زره
انا مما تقوله خاطري من يمكم ماضاق=لو انك تنكر الموضوع بعض احيان وتقره
كبتن عتيبه
مزحنا مزحةٍ واحده بعد جـو الممـازح راق=وراح الضحك..وأشوف الجماعه جالها كرَّّه!!
وانا ماني برزّاق البشر ..مير الله الـرَّزاق=و لو ماعندي الا قرش واحد عنك ماصُرَّه!!
محمد بن رشيد
تحدث وانت حر ولاعليك ولاعلي اخناق=لو ان اعيون راع المشكله من عصر محمرّه
انا ماقول لك خاين وانا ماقول لك بواق=لكن ان كان عندك قرش خله داخل الصره