علي فلاح العضياني
سلام و المعنى سوات الدرّه اللي فالبحور=من دونها الغبّات و أمواج البحر من دونها
يالنشمي اللي ما جبرت شعور مكسور الشعور=و انته تطالع فاليتيمه دمعها فعيونها !!!!
النشمي
يامرحبابك ياعلي رحباً يزيد النورنور=ترحيبةٍ فيها المعاني والوفا مضمونها!!
بعض العلوم يضيق منها الفكر وتضيق الصدور=ولا ني مكلف فالحمامه لوتجر اللحونها!!
علي فلاح العضياني
لا نام قلبك ما يصحّيه الرصاص اللي يثور=توحونها ما كنّكم يا ربعنا توحونها
دورك يجي دام الفلك دوّار و الدنيا تدور=تبا تعشّاك السباع اللي تحدّ سنونها
النشمي
اعلوم واجد يالثعالي شي صدق وشي زور=وام الخلا قامت تقرقع للعرب بصحونها!!
حنا ترانا نعرف اعيال البطون من الضهور=مار البلا ام اقرون تبحث للسبب بقرونها!!
علي فلاح العضياني
عدّل لسانك في كلامك .... لا تلفّ و لا تدور=غيّرت منهاج القصيده و اختلف قانونها
امّا تقدّم و احتزم و لاّ توخّر و معذور=قال المثل مال المواقف غير من يحمونها
النشمي
يامقشر الصلال الاعور يحسبن الناس عور=مثل الجراده ماتعدا رزقها حنحونها!!
70عام الناس تشجب والجنايز فالقبور=دوبك صحيت وحبتك دوب ادرج طاحونها!!
علي فلاح العضياني
كذبت فالتحقيق عند الضابط اللي فالمرور=هذي حقيقه و الحقيقه ما تغيّر لونها
إليا متى و الفعل غايب في سجلاّت الحضور=والله ما تنلام نفسٍ بيّحت مكنونها
النشمي
تقطع وتصلخ فالجمل لكن ماعندك قدور=تبا تسوي لك وليمه ماحصل ماعونها!!
من يجهل الصقر النداوي يشتويه مع الطيور= لكن انا ماهمني ليلى ولا مجنونها!!