وش اللي بقى ياناشد مرير عن حبه = على شان اهندس في القصايد واسويها
انا احب شعر مرير واحب من حبه = واحب البيوت اللي جزال معانيها
واحب المطيع ليا سجد طايع ربه = واحب الفروض الخمس واللي يصليها
واصلي واحب الصف الاول ومن طبه= واحب اللحا واهل اللحا اللي تربيها
واحب الكرم والعود والكيف والشبه = واحب الكريم النشمي ليا اعتنى فيها
واحب الوفا والوافي اللي تقضبه = واحب الصراحه حيل واحب راعيها
واحب السحاب اللي مداليه منصبه = الليا سقى الفياض اليابسه بامر واليها
ودوجت فارض حكه السيل من غبه= يزيل التعب مني ونفسي يسليها
واحب الربيع ليا ملا نبته الخبه = وشميت ريح ازهارها مع ثماريها
وشوف ام سالم تنقر القاع تلعبه= تمد الجناح وتكسره مع غنانيها
واحب اصل المرقاب فالعصر واذبه= وادربل على درب النياق ومفاليها
واحب الهنوف اللي رداها تحجب به= جميله وبنت رجال والستر غاشيها
رافع الرايه بيض الله وجهك وصح لسانك ولسان الميزاني
والمعذره طال عمرك على التطفل
من حبي فيها نسقتها