فواز السعيدي
الا يامنتدى الهيلا دخيلك سجل التوقيت = اباك تسجل اللي صار ميلادي وهجريه !!
انا لدت عيوني يم شاعر من كبار ثبيت = نبا نلعب على معنى مدام الارض مرضيه !!
النشمي
الا يامنتدى الهيلا هل النخوات واهل الصيت=تسجل حرب بين اهل البهيته واليمانيه!!
ليا لديت عينك يالهذيلي يمكم لديت= الد العين للهذلان من حشمت عوانيه!!
فواز السعيدي
عليك الهون اظنك يوم تكتب فالكلام اخطيت = بلاشي تحرف الموضوع ياراع الثوابيه !!
انا وانت اهتوشنا يالثبيتي وانت يابلفيت = مناديلك فزوع وفرعة ابن العم مصريه !!
النشمي
انا اقدر ولا عمري على جار الوفا زليت=لا تقرب من لهيب الشمس وانته داخل الفيه!!
عوانينا علينا اخطو خطاء والبيت جار البيت=وانا اشوفك تصيح وتعتزي بجواد مدريه!!
النشمي
انا ناديت وانته عن مقاويد السنع قفيت= على قول المثل وابلشت العاقل من العيه!!
دام انك عابده حسن صلاتك كل ماصليت=لا تلعب لعبت الجاهل معه ياطاق طاقيه!!
فواز السعيدي
ابو زيد الهلالي ضاق مثلك وانت لا ثنّيت = سمعت انه نسيب اغليص والاوضاع سريه !!
الا ياللي صلاة الصبح تذن فالعرب لو جيت = عليك الطاس وعقالك جديد وصرت شخصيه !!
النشمي
ترى ماعاد تنفع فيك يافواز كلمة ليت=تبا تضحك وتحمل ضيقتك فالصدر مخفيه!!
ياولد هذيل ليش اهذيل سموهم بني وفليت=عسى عندك خبر وانشدك عن هاذي وهاذيه!!
الله الله
ابداع مستمر
الله لايهينكم
يفرح الواحد يوم يغيب ويقرا مثل هالمحاوره
صحة السنتكم