ياهـل التوحيـد هـيـا للفـلاحـي=الجسـد واحـد ولاعنـده منـاعـه
الله اكبـر لاذن الـمـذن ربـاحـي=يحرم المبـاح فـي شريـه وباعـه
ياصـلاح الديـن وينـك ياصلاحـي=مابقى عند العرب غيـر الضياعـه
مابقـى سلطـه ولاباقـي سلاحـي=والقيـاده صابـه عشريـن راعـه
استمر الحـرب فـي كـل النواحـي=واليهودي مايهـودي عـن طباعـه
ياشباب الفكـر زال الفكـر صاحـي=فزعو والجـود حسـب الاستطاعـه
ياشباب الصحـوه مافيهـا مزاحـي=الحيـاه بـذل مافيـهـا طمـاعـه
يحزن الرجـال يـوم الـدم ساحـي=من صغير السـن ماكمـل رضاعـه
خذلـت المضيـوم مافيـه امتداحـي=ونصرت المضيوم هي راس الشجاعه
من الحدود المغلقه نبغـى السماحـي=وقايـد مسلـم يحـق انـا اتباعـه
مثل ابو متعب ليا صـاح الصياحـي=وصاح صياح الضحى سمعا وطاعـه
هو حفيد اهل العقيـده والصلاحـي=قائدآمؤمـن ولايقـصـر ذراعــه
والله انــه مايكفيـهـم صبـاحـي=لين ابن صهيون يقتل فـي دفاعـه
اليـهـودي لوتنـاحـي ماينـاحـي=الرعب مزروع فـي قلبـه ازراعـه