ابن سرحان الثبيتي
لاه يالنشمي تشب النار بين اعتابه = وانت واحد من هل البيت الكبير الضافي
مثلك اليا شاف فتنه عندها وش جابه= اثرك اتحب العلوم الطيبه ياكافي
النشمي
الله انه لايعود الكذب واللي جابه=وانت مثلك عارفه مايضلم العرافي!!
مانطقت الا بقول الحق وانت ادرابه= ون حكمت احكم بحكم العدل والانصافي!!
ابن سرحان الثبيتي
البعير اللي فسنه دوب بين نابه = طاح بين ايدينكم وانتم بلاكم خافي
لو فطنتوا يوم جاه الذيب وش سوابه = كان ماعطى مع هذاك الريع يضلع حافي
النشمي
البعير امسى عشى للنمر في مخلابه= وانت في بعض العلوم اغشيم ومتعافي!!
تتهمني زور مار الزور انا مرضابه=كيف تسمع من حكى بالزور والارجافي!!
ابن سرحان الثبيتي
ماحسبن اللي كماك اليا رفع مشعابه = يفرح بشقر العصا يوم السنين عجافي
يوم طاح ابعيركم جيتوا علاه اعصابه = ودكم تدمون جرحه كن ماهو كافي
النشمي
والله انه مايعز السيف غار انصابه=تتهمني بالضليمه وانت فيك اخلافي!!
حط معدالك وخذجابه وعطني جابه=وكل راساً ينقطع بالحق راساً وافي!!
ابن سرحان الثبيتي
من يدير الكيف وافي وانت ياصبابه = قوم ولع نور بيتك لا يضلي طافي
والله اني ما شرب الفنجال وانا اهابه = مير ماودي يعكر شربنا اللي صافي
النشمي
بعد هاذي لازم اندم القبر بترابه= كان ماجى يالعتيبي للذهب صرافي!!
ياحليل اللي يكرم لحيته واشنابه=شد حيلك لايشيب القاف والمحرافي!!
ابن سرحان الثبيتي
والله انا مانباها مثل حرب الغابه = لين صار الداب في كم العباه الدافي
نستحي وليا حدينا للخزا قلنابه = والحقيقه كل يوم ايزيد ضرب السافي
الله الله
ابداع تشرفت بقراءته
صحة السنتكم