قطفت من قلبي لكم غـض الاوراق=روض الحشا يسقيه نبع الصداقـه
ماهي زهورن مصدره سيب الاسواق=من دم جوف الروح في شكل باقـه
مني لكم مهداه مع صدق الاشـواق=احلـى تحيـه ياسمـو العـلاقـه
للعـز بوجيـه المطاليـق بــراق=زحول الرجـال مقدريـن الرفاقـه
الي على روس الطويـلات تنسـاق=تنساق بعزم الذيب وضلـوع ناقـه
اهل الوفا دايم على الطيـب سبـاق=حلويـن لطيـب وللهيـس عاقـه
اهل الكرم مده كمـا الديـم دفـاق=من مزنتـن رب المقاديـر ساقـه
مبداه عز ومنهجـه ذوق واخـلاق=فعل المراجـل والنواميـس شاقـه
افخر بعرفـه ياختفـى كـل هـلاق=يابان فـي قـول المنافـق نفاقـه