الله من جرحن بالاعماق مازال___اتجدده دايم هواجيس وحلوم
من سطوته شيخن عليه الثرى هال___من ربعه اللي بين قانع ومصدوم
ومن سطوته من فالمهمات خيال___شغموم وفاللقا يبا وجه شغموم
لكن صابه فاللقا رمح ختال___كما طعنة كليب والرمح مسموم
ثم طاح بارض المعركه نسل الابطال___وحامت عليه اللي على الجثه تحوم
هذاه حالي منك يامتعب الحال___لوكنت في قصرك ماتدري عن القوم
انته شعلت النار في قلبي اشعال___وطيفك يلاحقني وافزله ملزوم
وانا نهيت النفس والنفس تغتال___عهدن موثق وثق معها ومبروم
وعلاج جرحن وسط الاعماق مازال___اعيوني الثنتين ماتطعم النوم
نرجو النقد الهادف كما تعودنا منكم