العازمي
هلا يامرحبابك يالشطيطي من لسان العـم=لحيث إنّي من اللي ماعليهم زود عتبانـي
عتيبه عزوةٍ وقت المواجه ماتعرف الهـم=وربعك درع جنبك فالرخا والضيق مطراني
الشطيطي
يدوم الك البقـا مـادام علمـك ماتعـدا الفـم=تعمعم من همـومٍ مالهـا قاصـي ولا دانـي
مطير اهل السيوف الحدب في نحر المعادي سم=وعتيبه لو حصل مهما حصل يبقون جيرانـي
العازمي
كلام العازمي واسمك مثل النـار والميسـم=جلبك الحظ الاقشر في طريق الذيب سرحاني
تفرجتو على فعل الرجال اللي تهـدر الـدم=ولامنكـم ولافيكـم شجيـعٍ علّـق العانـي
الشطيطي
كلام وعازمي يعني لاهو راجع ولا قـدم=سوالف والسوالف ياطويل العمر مجانـي
تفرجّنا وسوينـا سـواةٍ تنصـر المسلـم=عسى الله ينصر المسلم ويخذل كل عدواني
العازمي
ابيك تخاوي البارود والفزعات والمحزم=زمانٍ فات معرف في مطير انسان جاباني
تفرجت وسريت وكم نذكر من مساري كم=وخلّيت الرجال اللي تشيل السيف شاماني
الشطيطي
احسبنك معي مخلص واثرك الطاغي المجرم=تبا ترمي بنا في غرفـةٍ مـن غيـر بيبانـي
تقول انك تعرف الحق وانك قاري المعجـم=ومسرع ياوسيع العرف بين النـاس تنسانـي
العازمي
اظنّك عبد لي تفهم وترقا للجبال الصـم=ياراع الديره اللي من دهلها مارجع ثاني
لقيت اسمك مع العتبان فالتاريخ بالمرسم=ضلوعك ليّنه منته بويّا اطوال الايمانـي
الشطيطي
اعبـد الله وشوفك عازمي وقت اللقاء تهزم=لبست البشت مار البشت فيه اشكال والواني
لقيت اسمي لاكن اسمك مع العتبان وش يخدم=زوايد والزوايـد مالهـا فالعـرف برهانـي
طاااااااااااااااروق كايف
وشعرااااااااااء محترمين
واصلواااااااااااااااااا
آخر تعديل عبد العزيز العضيــاني يوم 02-Jan-2009 في 01:07 AM.