مسا الخير/صباح الخير
هذه المحاوره اعجبتني وحبيت انقلها لكم عسى ان تنال رضاكم,,
خالد العصيمي
يا زايد ترى مافيه راحه ومجلاس=ابا اعطيك كلمه ثم ابنشدك عنها
علومي مع الشاعر من الراس لراس= يغني بها ولا يضيع لحنها
ابا قف معك بالحق والناس لناس=وكلمتك ابا اغليها وقدر ثمنها
ترى الناس يا خالد مقامات وجناس=وانا هقوتي فالشعر ولا زمنها
خالد العصيمي
ترى دون عرش الله موامين حراس= عصاة الجنون اتردها في وطنها
نبا نشتري ونبيع والماس بالماس=ياراع الجواهر عانها قوم أزنها
زايد السفياني
ترى لارض فيها خير لا باس لاباس= ولا كن يبعد شامها عن يمنها
يجي لنهر عابر وللبحر غطاس=وجنبية ابو زيد محدن رهنها
خالد العصيمي
لقيناك ياللي تلبس الدرع والطاس=معك بندقٍ جبعا ولا جزت منها
لا تامن يجيك الموت قطاع الانفاس= ولن مت صرت جنازةٍ في كفنها
زايد السفياني
شمتنا على الجائع وهو يطبخ الفاس=لكن البنادم عيشته ما ظمنها
وانا لو عطيت اريال في بنك ا لافلاس=عطيته بلا مكسب ونفسي غبنها
خالد العصيمي
ليا شفت لك قوم على قب الافراس=لا ترمي على يدين المطيه رسنها
لو اقول لك جساس منته بجساس=لكن ابتعد والنار لا تحتظنها