الهيـــــــــــــلا *** منتدى قبيلة عتيبة - عرض مشاركة واحدة - مجاراة لقصيدة مرير الحبيل للشاعر سعد الميزاني

رافع الرايه · 21-Apr-2005, 12:06 AM

مجاراة لقصيدة مرير الحبيل العتيبي للشاعر سعد الميزاني المطيري

وش اللي بقى ياناشد مرير عن حبه = على شان اهندس في القصايد واسويها

انا احب شعر مرير واحب من حبه = واحب البيوت اللي جزال معانيها

واحب المطيع ليا سجد طايع ربه = واحب الفروض الخمس واللي يصليها

واصلي واحب الصف الاول ومن طبه= واحب اللحا واهل اللحا اللي تربيها

واحب الكرم والعود والكيف والشبه = واحب الكريم النشمي ليا اعتنى فيها

واحب الوفا والوافي اللي تقضبه = واحب الصراحه حيل واحب راعيها

واحب السحاب اللي مداليه منصبه = الليا سقى الفياض اليابسه بامر واليها

ودوجت فارض حكه السيل من غبه= يزيل التعب مني ونفسي يسليها

واحب الربيع ليا ملا نبته الخبه = وشميت ريح ازهارها مع ثماريها

وشوف ام سالم تنقر القاع تلعبه= تمد الجناح وتكسره مع غنانيها

واحب اصل المرقاب فالعصر واذبه= وادربل على درب النياق ومفاليها

واحب الهنوف اللي رداها تحجب به= جميله وبنت رجال والستر غاشيها

وسلامتكم

سعد الميزاني

تحيا11111تي