مرحبا ً بالجميع ...
قادح شرار :
ألا يا مرحبا بالشاعر اللي كل شِعّره زيـن = نظمّ ولاّ ملاعب .. كلها يعـرف ينسقهـا
وش اللي ينقصك يا كبتن عتيبه عن الألفين = يا كود الغاية اللي ما قدرت إنـك تحققهـا
كبتن عتيبه :
يدوم الك البقاء وأن افتخر في رفقة الغاليـن = وأقول أصحابي الغاليـن جعـل الله يوفقهـا!!
وعام الفين راح وصار عقب الفين تسع سنين = وانا ماخذ حقوقي حاضر الدنيـا وسابقهـا!!
قادح شرار :
توكل وأحتزم بالله .. وروح أسبح بحر تسعين = وأنا خابرك شاعر تدعس الحيّة .. وتسحقها
ألا يا مدّعي بسرور ... وأنته دوم حظك شين = تخاف إن السفينه لو يزيد الحَمّل .. يغرقهـا
كبتن عتيبه :
شرارك لايزيد ..ولا تقَرَّب ريحة البنزين = وتالع في جنوبك والثياب البيض تحرقها!!
ليا منّا لقينا القوم ماقلنا الطريـق منيـن = نهار أنك تمد الرجل في دربك وتفهقها!!
قادح شرار :
إذا إنك صاير ٍ بنزين .. والبنزيـن لـه شكليـن = تخيّـر بيـن شكلينـه ...إذا تـقـدر تفرّقـهـا
لا والله ضايع و تنشد رجال العرف >>دربي وين؟ = قبل تقلـع هاذيـك الطايـرة ..ياليـت تلحقهـا
كبتن عتيبه :
ولا ياصاحبي باللَـه لا تلعـب علـى الحبليـن = ووقَّت ساعتك مثل العـرب واظبـط دقايقهـا!!
ترانا مانحط افلوسنـا فـي منتجـات الصيـن = ما نشري غير الاصلي والعرب نعرف حقايقها!!
قادح شرار :
سوالفنا تراها دارجه مابين ..قسّـي وليـن = تحت ظل المزون اللي يسرّ العيـن بارقهـا
وأنا بنشدك عن راع التميس اللي تعرفه زين = مايدري بأن رب الكون فوق الخلق .. يرزقها
كبتن عتيبه :
أعلمك الرمايه يالبناخي كل يـوم وحيـن = وتفجعك ام خمس اللي على جنبك تعلقها!!
سؤالتك كثيره والإجابه حولهـا قوسيـن = (يَعَلم الغيب من يعلم بمغربها ومشرقها)!!
قادح شرار :
ترا ما أنته معلّم مسلم ٍ .. يعرف أصول الدين = على سنّة رسول الله ...ودقنه مـا يحلّقهـا
عسى ديرتك يالكبتن يجيها راعـي البُكليـن = يدك حجارها والأرض من قـوة ..يشققهـا