[رافع الرايه]

يازين المشي في الروض الخضر لا شعشع المخضـــار
يــــا زيــــن الديـــــره اللي من حقوق الوسم ممطوره

يريح البال سج في الفياض الخضر والمسيــــــــــار
سعـــــادة للقـلـــوب اللي مع السلوان مســـــــروره

متى عيني تشوف اللي على قلبــــي ربيع ودار
أشــــاهد للسعـــــاده في حياة المجتمـــع صوره

إذا هلت مزنتيــن فوقهن تنعومتـــين صغـــــــار
على ذيك اللباب اللي من الرضوان مغمـــوره

لا منّه اصحى سما غر المزون وشعشع النوار
ودجاه ادلى سدولــــه والقمر متجلي نـــــوره

اشاهد لي بروق دونها ربـــانهــــــا تنــــدار
تقول أكباس غاز من ورا شلال نافــــــوره

سبح ماهر خيالي في الخبارى والبرد والنار
وأشوف الجمر فوقه دله الرســــلان منحوره

هذاك المنظر اللي ما تشوفه في الحياه امرار
على شوفه سبـــــابيح الخيال تموت مقهوره

حرام إني ما أهني راع المليون والمليـــــــار
ولا أهني عربســــات الفضا دوره ومقدوره

اعيش بعالم طــــول المدى يبقى لهـــــــا تذكار
عليّه بالحرام إنهــــــــا حياة مالها جــــوره

هذا وجه الصحيح ولا على وجه الصحيح غبار
حقيقة ويتمعنهــا اللبيب بكـــــــــامل شعــوره
========================

وسلامتكم

سعد بن جدلان الأكلبي

للإستماع للقصيده بصوت الشاعر

http://www.alnadawi.org/realaudio/rood.rm

تحيا11111111تي لكم
تحيا1111111111111تي لكم