[خلف القثامي]

خززو فنجـال يااهـل الفناجيـلا
قدموه بفـوزه اللـي لنـا جابـه
باشروه بكيفٍ اشقر مـع الهيـلا
اشهد ان الكيف يزهـى بشرابـه
عادةٍ من بـادي الوقـت للهيـلا
شربة الفنجـال معـروف لعتابـه
تلطـم العايـل وذباحـة الحيـلا
ووضعها معروف كالأُسد في الغابه
عزوةٍ ماترتضي النقص والميـلا
للأوايـل دايـم الـدوم كسـابـه
ياهل البل وخروها عـن السيـلا
لاحضر فنجال من نحسب حسابه؟
بالعفر يمشـي يجـر المواويـلا
نخبة النخبة ليا طب تزهـى بـه
عادةٍ له راعي البـوش والخيـلا
لانصى الناموس ماتلحـق ركابـه
سجلت للذيب جيـلٍ بعـد جيـلا
بالذهب تنقش على صفحة كتابـه
ياعرب من يرفع الصوت بالشيلا؟
خززو فنجال بالكيـف واطيابـه