[بدر الكريزي]

سلطان الجذع

يامرحبا بالشاعر اللي كل مطلوبه لقاه = الا الثلاث اللي تبرك للحمول جمالها
أليا عطيته وحده تقصر عن الاخرى يداه = وأليا تركته عقل السابق وشد عقالها

سعود العصيمي

دام البقاء ياشاعرٍ قدرك تبا تقلط علاه =والكلمة اللي مخطية فال الله ولا فالها.
ياللي تمد كراب كفك للعرب تاخذ ملاه = وانته عروقك فالندى والخيل من خيالها

سلطان الجذع

تصعب دروب العيش للي ماعرف سر الحياه = ياما وياما من ليالٍ مايهل هلالها
العلم في عد الروى كنه تغيّر طعم ماه = الله واكبر يالسواني والدلي وحبالها

سعود العصيمي

من لاتعب للمرجله بيت المعزه مابناه = واللي معه حيله ياسلطان الجذع يحتالها.
عد الروى من يارده لابد مايقطع ضماه= المشكله فأم الكباير من يعد عيالها

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.