علي فلاح العضياني
يا الثبيتي شدّ حيلك نهار الاختبار=في يمينك مرسمه بس لا تكتبّها
راح عمرك و انت يا صاحبي تقدح شرار=تبذل جهودك و نارك عجزت تشبّها
قادح شرار
لا توصيني وأنا يا علي راعي قرار = في يميني مسبحة .. بالمـزاج >>ألعبـّها
زندنا يقدح على طول .. ونشب إبه نار = وتكبر ولا تنطفي >> والهبوب تهبـّها
علي فلاح العضياني
الهروج اللي ما توخذ بعين الاعتبار=ما وراها فايده طيع شوري كبّها
الحقيقه واضحه كنها شمس النهار=القديمي حدها قبل لا تضربّها
قادح شرار
من يشوفك قال هذا من الناس الكبار = ما دريت إن الرحاء .. ما طحنتوا حبـّها
تلعب بذيلك يمين .. ثم تلعبّه يسار = والبشر يا صاحبي .. تحت دبرة ربـّها
علي فلاح العضياني
صار هذا العلم وانته ما تدري كيف صار=النشاما سوّد الله وجه من سبّها
قبل تسمع تحت رجلك دويّ الانفجار=الدروب اللي توصلك لامّك ذبّها
قادح شرار
يحسب إنه صار هرش ٍ .. وهو باقي حوار = ليت يرجع لأمه .. وينسدح في عـبـّها
كان ودك يا علي بالحقيقة.. بأختصار = روح و خل الملعبة .. لا تزيد تطبـّها