السلام عليكم ورحمة الله وبركاته
بدون مقدمات وجدتها ونقلتها لكم
اتمنى ان تنال اعجابكم
فواز السعيدي الهذلي
الله الله .. قوم يبن حميد للطرق الختامي/////// الله الله .. دوك ابن ذبيان واقرب يالسبيعي
حامد القارحي الهذلي
الله الله .. بلغ ابو زيد شكري واحترامي///// الله الله.. يالصليمي راعي الصدر الوسيعي
زامل السبيعي
الله الله .. ياهذالشاعر على الدنيا السلامي///// الله الله .. دافع الموتر مع الخط السريعي
فهد الذبياني
الله الله .. بعد جاملك الرياحي والزلامي///// الله الله .. خل متن الروس يثبت لا يضيعي
فواز الهذلي
الله الله .. لاتنفرز بعد جاك الطرق حامي///// الله الله .. ياوسيع العرف زبدك لايميعي
حامد الهذلي
الله الله .. ياولد ذبيان لخبط فالاسامي///// الله الله .. حملوه القوم مالا يستطيعي
زامل السبيعي
الله الله.. بعد جاك الموت جعلك للرحامي//// الله الله .. وان سريت الليل جعلك ماتضيعي
فهد الذبياني
الله الله .. جت مثل بين الحجازي والتهامي//// الله الله .. واخرتها ضيّع السيف البريعي
فواز الهذلي
الله الله .. ماعليّه والذخيرة في حزامي//// الله الله .. وانت تاطا من على شوك النّقيعي
حامد الهذلي
الله الله.. ماطول الاحداث فالفيلم الدرامي///// الله الله .. فالدراما مانسوم ولانبيعي
زامل السبيعي
الله الله.. صوبتني رميت(ن) من غير رامي//// الله الله.. لويطول الليل مانمنا جميعي
فهد الذبياني
الله الله..بعد جا فالصف عوجة وانقسامي//// الله الله .. ودعونا واظهرو من كل ريعي
فواز الهذلي
الله الله .. ياحليل شعيل مقصور الخطامي///// الله الله .. ياجماعة كنّه النقل الجميعي
حامد الهذلي
الله الله.. قبلنا انته لاشراب ولاطعامي ///// الله الله.. جاته النعمة يبا يقرع قريعي
زامل السبيعي
الله الله .. كل كلمة خذ بدلها من كلامي///// الله الله .. ما ملا بطني طعامن من ضريعي
فهد الذبياني
الله الله.. وانت يا حامد بعد جيعان ضامي//// الله الله .. وين عفوك ياحليم وياسميعي
فواز السعيدي الهذلي
الله الله .. شف بالي يالرياجيل الحشامي///// الله الله .. وانت يازامل تبا ترزع رزيعي
//////////////////////////////////////////////////////////////////////////////////////////////
اتمنى ان تنال اعجابكم
تحياتي