فواز السعيدي=
سلام ردية معي معنى يبا يمشـي سـراه=واللي يسد النوب دون عتيبه انقول ونعـم
انا ليا نادى المنادي واتوحـى فـي نـداه=ضيفي وابكرم شاربه وادهن سباله بالشحم
مرجح الميزان =
يا مرحبا باللي يسلم والعمـل قـدره جـزاه=واللي يسد النوب قلنا يالهذيلـي لـه سلـم
نعمين والله ما نقول قصور فيكم يا هذاه ..!!=من طيبكم ترقون للضلعـان حافيـن القـدم
فواز السعيدي=
دام البقا ياللي فهم علمي وقيـدوم اخويـاه=لوكان قبله مر عشر ارجال كلن محتـزم
اللي مشى حاف الكراع اكيد مسروقه حذاه=الله يهـول المتهـم ياشيـن طبـع المتهـم
مرجح الميزان =
ما هي غريبه يفهم العاقل وهذي مـن ذكـاه=ولا تحسب ان اللي تغاضى يوم مرك ما فهم
بالأربعه يرقى ويطمر من حصاه ليا حصـاه=أربع ترى صعبه شويه ..!! يالرفيق المحترم
فواز السعيدي=
الشاعر اللي ما يقيس العلم ويحسب خطاه=يقعد طرف مثل الصنم وانا بسميه الصنـم
عساه يربع فوق كبدك لين تعوي من عصاه=ياللي يجونك حزة المصياف مصاصة عجم
مرجح الميزان =
اللي هدم جـدر الحقايـق بالوثايـق مـا بنـاه=واللي بنا جـدر الحقايـق بالوثايـق مـا هـدم
يا ما أطيب اللي لا أحنمى الميقاف ما يبحث خفاه=يا أصحابنا اللي بيـن حـد اليعربيـه والعجـم
فواز السعيدي=
انتم عوارف مايصير القدر نكشف عـن غطـاه=وش عاد لو نكشف غطا قدرك ونسري باللحم !!
دام العتيبي حـط نفسـه فـي محـل الاشتبـاه=حنا نعرف الشيـخ والدرثـوع ورويـع الغنـم
مرجح الميزان =
اللي عيونه في عشانا كم شبعنا مـن غـداه=وش حيلتك والقدر من دونه حطبنـا يشتعـم
دام القضيه ختمها يا هيه مع زبـن القضـاه=ان كان مرك قول له : بالله يا زبن الختم ..!
ياسلام عليكم طاروق
جميل جدآ
صحت السنتكم وبيض الله وجيهكم.
تقبلوا مروري وتحياتي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|