مقعد
يالثبيتـي لاتغيـر فالعلـوم وفالحقايـق=
الحقيقه سيرك تال الزمن ماهيب سيـره =
عام الاول من سببكم راحت الدنيا حرائق=
ولعت نيرانها والعلم من ديـره لديـره =
النشمي
الحقايق ماتغير دام اشوف الجـو رايـق=
ون مشانا مامشانا الا على علم وبصيره!! =
انت راضي يوم اقول الحق والا منه ضايق=
الاشاعه لاتروجها يامنـدوب الجزيـره!! =
مقعد
لو تغير ماتغيـر مثبتـه عبـر الوثايـق=
كل طير يطير يالنشمي يوقع في مطيـره =
مارضينا بالقصور وصعب تقنع لك خلايق=
طش حبك طش حبك فالرحاه المستديـره=
النشمي
العلوم اللي بدون اثبات تذهب في دقايق=
علمو مقعد لا يقعد فالخلا يشعب بعيره!! =
البلا ناساً تمشيها على السبع الطرايـق=
كل واحد حطله بارق وقام يدق زيـره!! =
مقعد
القضيه عندكم راحت كما نهب وسرايق=
والجمل منته بجاهل يالثبيتي عن هديره =
من قديم الوقت حنا مالتفتنـا فالفايـق=
وانت سيفك كل ليله تجردونه من جفيره=
النشمي
القضيه ياعتابه موتراً من غيـر سايـق=
ياعسى فالامر خير وياعسى فالامرخيره!!=
انتبه للي على المرقاب يامقعـد موايـق=
سيفنا نلطم به العدوان لاجاتك مغيـره!! =
مقعد
القضيـه باقيـه وانتـه تلحقهـا لحايـق=
كل موتر حاصلٍ فيـه التمـاسٍ فالظفيـره=
لاتهمك غفوةٍ للذيـب لـو يغفـا دقايـق=
عين للراعي والاخرى من وراه وفي بعيره=
النشمي
ماني لبعض العلوم اللي تغث الكبـد فايـق=
لا تلم النار والبـارود وتشـب الذخيـره!! =
يكذب الصحاف واصبح للوطن خاين وبايق=
والبلا كيف انخدع صدام في حضرة وزيره!! =
مقعد
والله انه ماخفاني شي عن كل الطرايـق=
والحقيقه ماحتمى الميقاف ابو يمناً قصيره =
يكذب الصحاف لو هو قايل ماجاني عوايق=
العوايق قدم عينه قبـل لايلقـى مصيـره =
النشمي
اكثر الجمهور في قحطان يشهد لبن شايق=
وابن ريفه ماغداله فالبلد حبة شعيـره!! =
الحقايق واضحه مار العرب راحو علايق=
ود علمي للشيوخ اللي يقدون العشيـره =
| التوقيع |
ماني بلا روقي ولا برقاوي = انا ثبيتي جد روق وبرقا
|