[نايف الطير]

والله يالبناخي..

مدري هو رجّال ولاّ وش أسميه اللي يوقف الليموزين لمعاوره بحجة ان عنده شغل والاّ معزوم!!!!!!

والحريم الأيام هذي استسهلوا ركوب الليموزين بشكل لايعقل!!!

يسولف لي مرة أحد الشيبان (الله يرحمه) كان يسوق على الفلكسواجن (مبطي) ..

ويقول زد ركبت معي حرمة (والشي هذا مستنكر هاك الحين ) عقب صلاة العصر ..

وقالت وصلني من صنادق الملز للناصرية ..ويقول طول ما أنا ماشي أسمع حس قرقعة ....

ويوم التفت ورا واثر الباب اللي من يم الحرمة (مسايفٍ به) ماصكته ..قلت : يامرة بابك ماصك!!!

على طول قالت : ياولد انت قبيلي؟؟ قلت : إي بالله ...

قالت : أشوى الحين أصك الباب والله أحسب انك من هالـــ(.......) اللي لا دين ولاحيا.. والله إنّي مجودةٍ الباب من اليوم ماأقدر أصكه خوف إنّك تضرب لك خطٍ مادري عنه وأفكر كيف أطمر لايغدى بي ،، وأنا ماأنحديت أركب مع أجنبي الاّ ان رجّالي مصخن وطايح في فراشه مايحرز يظهر خشمه مع الباب وابا اروح لخواني أربهم يفزعون وياخذونه للدختر ...

بالله أتحدى وحدة من هاللي يدوجن ليل ونهار يكون عندها مثل هالظرف.. أو فيها ذرة حرص على شرفها ..

أوحتى وين تلقى مثل هالشيبان الأجواد اللي ضيقوا عليهم رزقهم بليموزينات ابو هّنود...

ياقلب لاتحزن.. والله يستر معاور المسلمين ...