بادي المراقيب=
سلام ردية ً تبدي كمـا مـا يبـدي النـور=اليا بدأ النور قلت النور جـلاي الظلامـي
يا النشمي الليل سر الليل دام الذنب مغفور=اكرب حزامك ونا قبلك ترى بكرب حزامي
النشمي=
يامرحبا ياهلا..ترحيبـةٍ والبـال مسـرور=والنور من نوركم يالي تردون السلامـي!!
العبد يمشي بدبرة خالقه... منهي ومامور=والذنب مغفور بذن الله لمن صلى وصامي!!
بادي المراقيب=
دام البقا يا لعريف اللي ورث مشلح وبا كور=وليا مشى ما يغر الدرب يمشـي بالنظامـي
لا تشتحن من عيال إبليس دام إبليس مدحور=أهل اليمن باليمن ياصاحبي والشـام شامـي
النشمي=
حنا هل المعرفه.. والعرف للهل العرف مذخور=وكل القبايل لهم عنـدي معـزه وحترامـي!!
ياصاحبي لو..لحقني جوع ماكل لحمة الثـور=اللي( ذباب التسي) من فوقها وقع وحامـي!!
بادي المراقيب=
حنا تعبنا وشبنا مع عيال العمي والعـور=ياكم وياكم نعلـم مـار مافـاد العلامـي
لوكان أفتش بعيبتهـم والعفـش منثـور=لتشوف ذيك الخشوم الي يريعها الخطامي
النشمي=
اٌخاطـب اهـل الفكـر ماهمنـي جاهـل ومغـرور=واٌزن كلامي مـع اهـل العـرف واثمـن كلامـي!!
سيفي حمى اهل العراق من الطغاه اٌسنين وشهـور=واصبح لهم صوت يسمع.. واسمهم.. بين الاسامي!!
بادي المراقيب=
مثبور مثبور راعي الزاهقه يا ذيب مثبور=والسودنه كبها يا صاحبي والليـل حامـي=
سيفك حماهم وباعوك العرب يارعي الكور=,راحوا سوات الجمال اللي تعلاها الهيامي
النشمي=
المـر فالحرملـه يدريبهـا تسعـيـن دكـتـور=وان جيت ابسقي غلط وان جيت ابقطعها حرامي!!
فيهم رجالاً عوارف يحكمـون الـرائ والشـور=مار البلا الشيعـي الغـدار ملعـون الرسامـي!!
بادي المراقيب=
مانته بمطلق ولا قايل ترى ياشيخ مستـور=غيبتها لين قلنا الضرب ف الميت حرامـي
ياكبر حلمك وعقلك يارضي والعقل اله دور=من كبـر قلبـك تهنـا يالثبيتـي بالمنامـي
النشمي=
مطلق زعيم الشعر والداهيه مستور مشكور=لوضاق من كلمتي ملفي وابوزيد الزلامي!!
القصر ساسه مثبت والعلم بالعـز منشـور=والراس دونه متونه واللحم يكس العظامي!!
| التوقيع |
ماني بلا روقي ولا برقاوي = انا ثبيتي جد روق وبرقا
|