[السميــــــري]

خاطرة عالجة .. !

أمس أتصفّح في دواوين الشيـوخ =أقرى مناصبها واحسـب أفعالهـا
كم منصبٍ يرفع مع العالم دلـوخ =تحلى له الأيام لو ما أحـلا لهـا
وكم عضّت الأيام من لبّاس جوخ =ما تلتفت له لـو وقـف بقبالهـا
هذاك بالدنيا على مشمش وخـوخ=وإلا هذا .. يبطي وهـو مانالهـا
ماتصفي الدنيا لبـو راسٍ طنـوخ=وكـم لحيـةٍ مانّزلـت منزالهـا
لكن ابن مرغان من فعل وشموخ=يشهد له التاريخ لـو مـا قالهـا
واللي يحسب أفعالهم منها يـدوخ=يتعب لها الحسّاب لو .. عدى لها
ريش الصقر مايشبه لريش الفروخ=وقومٍ تكذّبني .. أبـي معدالهـا !!

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع