ناصر الجلاه
وين معجب صاحبي بيني وبينه هوشه=من بدايتها عجاري والبلا فأتلاها !!
وإن بغاها بالمعاني جيت انتف ارموشه=الحقيقه قلتها كان الولد يبغاها !!
معجب العتيبي
صاحبك موجود ياناصر ياراع الطوشه=من بدايتها تدورها تبا تلقاها
المعاني من خويك فالصخر منقوشه=جابها يوم ان غيره مخلفٍ مبداها
ناصر الجلاه
كل رجل فاللقا يدحم عداه إبوشه=الرجال الطبيه كلٍ يعرف اسماها !!
امش مع دربي وتامن فالخلا ووحوشه=كم لنا نكتبلك القصه ولاتقراها ؟ !!
معجب العتيبي
مانعرف الرجل غير ليا دخلنا الغوشه=يوم راع السالفه ياصاحبي ينساها
من بغاله حاجةٍ بالسيف والا قروشه=جابها والنفس للعليا يسوق خطاها