[فايز بن سرحان الثبيتي]

قصيدة كتبت في ظرف ما ارآآآآه يتكرر دوما .... فاقبلوها مني


من أجل التواصل معكم

انا لقيت المعرفة مثـل الهنـوف الجافيـة = ولا الشعر رجال من يقدر عليـه ايزفهـا
ياللي تزعمت القصيد وصار عندك مافيـه =جبت الشعر لكن وين المعرفه قـم وفهـا
لاتحسبـن المعرفـة بيتيـن ولا قافـيـة =ولا قصيدة من فخر عشرين بيت اتصفها
ما تدري ان المعرفه مثل الثياب الضافيـة= لاخير في عذرى قصير الثوب ما يلتفهـا
المعرفة مثل الذهب مثل الجواهر صافيـه=كن القصيدة بنت واعقود الذهب في كفهـا
ولا الشعر ياصاحبي ماهو بحاجـة خافيـة= كم شاعر ٍ يسحق بيوت الشعر ثم ايسفها
لكن اليا جوه العرب وليـن نـاره طافيـه= الله يشل ايداه عن نظم الشعـر وايكفهـا
انجنبـه لا دور الهزلـه وجـاب الهافيـه=وليا تمادى نرفع السيف الحـدب ماحفهـا
لجل العيون اللي تراعينا ولاهـي غافيـه=ولجل الجنوب اللي غشيم القلب قام ايدفها
الله يجملنا مع اهـل الطيـب فالميقافيـه= ولا قليل العرف عان ارسالته فـي رفهـا
اثر الشعر يابو فهد مريض ليـت العافيـه= ما توا عياله وانتكس حاله وعينـه رفهـا
شفته عمى بين العرب يمشي ورجله حافيه= والمعرفه شامت عنه ماعاد هو من شفهـا
يابو فهد وين انت ياراع العلـوم الوافيـه= المعرفه خابرك راعيهـا وحامـي صفهـا
ليتك تشوف اللي نشوفه والشواهد كافيـه=قدام اعذر فالسيوف الشقـر ثـم اضفهـا