مشعاب
يالاداره دوروا لي بحـر جـده يـالاداره=بيني وبين البحر يالربع موضوعن سياسي
يابحر جده بعدما شفت تشكيـل السفـاره=مالقيت اسمك مع البعثه ولا انت بدبلماسي
[بحر جده
بحر جده حاضرٍ في ماقفه ويشـب نـاره=وادفن المعنى واخذ فنجال لن جاك النعاسي
اسمي الله يحفظك دايم مكانـه فالصـداره=وانت يامشعاب تبحث في موخرة الكراسي
مشعاب
يابحر جده تـرا النيـران مبداهـا شـراره=والحريقه كان شبـت مايفيـدن الحساسـي
ما اركب الصندوق دايم مجلسي وسط الغماره=والذهب معروف صرفه ماهو بمثل النحاسي
بحر جده
كلمتك هذي شجاعه ياولـد ولاشطـاره=وكان شبت لاتطيح الا يارجال متواسـي
علمنا ياصاحبي مشعاب لاتخلف مساره=وانت ودك تجمع الثنتين في وقت قياسي
مشعاااب
كنت احسب انك يابوعرام منصوب الاماره=واثر ابوعرام الاقشر شغلته طباخ فاسـي
لو نخبط الارض بالمشعاب طيرنا غبـاره=والفهيم اللي يفصل ملبسه حسب المقاسي
بحر جده
من سمع قولك يحسبك قرم في راسك نعاره=وانت اظنك ياصحيبي من سواويق التكاسي
دام تقدر لاتخفى ياولـد خلـف الستـاره=اقدم ودك الجبال اللي على الرقه رواسـي
مشعاب
قالوا المنطق يحدد قيمة الرجل ومساره=والحكيم يقيَس الكلمه قبل ينطق قياسي
جاك علمي يابحر والحر تكفيه الاشاره=لونزيد الكهربه فالسلك سببنا التماسي
بحر جده
ياحليلك ياصحيب عقب ماشـن المغـاره=هون وعدّل وبـدّل ياجماعـه فاللباسـي
لوتزيد الكهربه يمكـن تسببلـك حـراره=وانته ضحيه لنا فالمنتدى لن عاش راسي
مشعاب
استلم يابحر جده
ياحليل الطالب اللي ماعرف حل اختباره=والنتيجه بينت في بداية الفصل الدراسي
موترن مافيه لالوحه ولافيه استماره=ماوراه الا الخساير والقسايم والمآسي
آخر تعديل عبد العزيز العضيــاني يوم 26-Nov-2008 في 09:23 AM.